નાયબ ચીટનીશ ભરતી: દિવ્યાંગ ઉમેદવારોની એડિશનલ પ્રોવિઝનલ મેરીટ લીસ્ટ બહાર

ગુજરાત પંચાયત સેવા પસંદગી મંડળે ૧/૮/૨૦૨૬ના રોજ નાયબ ચીટનીશ (Class-III) ભરતીના જાહેરનામા ક્રમાંક ૧૬/૨૦૨૫-૨૬ હેઠળ એડિશનલ પ્રોવિઝનલ મેરીટ લીસ્ટ બહાર પાડી છે. આ લીસ્ટ દિવ્યાંગ (PwBD) માટેના સ્પેશિયલ રિક્રૂટમેન્ટ ડ્રાઇવ અંતર્ગત આવે છે.

લીસ્ટ કયા હેતુ માટે છે?

મંડળે જણાવ્યું છે કે આ એડિશનલ પ્રોવિઝનલ મેરીટ લીસ્ટ ઉમેદવારોના પ્રમાણપત્ર ચકાસણીના હેતુ માટે છે. આ લીસ્ટમાં નામ હોવાથી કોઈ ઉમેદવાર ફાઇનલ સિલેક્ટ લીસ્ટ, રેકમેન્ડેશન કે ડિસ્ટ્રીક્ટ એલોટમેન્ટ લીસ્ટમાં આપોઆપ આવી જશે એમ માનવાનું કારણ રહેશે નહીં, અને તેને કારણે કોઈ હક્ક પણ ઉભો થશે નહીં.

દસ્તાવેજ ચકાસણી ક્યારે?

લીસ્ટમાં સમાવિષ્ટ ઉમેદવારોના પ્રમાણપત્રોની ચકાસણી ઓફલાઇન થશે. તે અંગેની જાહેરાત પછી મંડળની વેબસાઇટ પર મૂકવામાં આવશે. તેની સૂચના મુજબ ઉમેદવારે પોતાના અસલ પ્રમાણપત્રો સાથે મંડળની કચેરી દ્વારા નક્કી કરેલી તારીખે અને સમયે રૂબરૂ હાજર રહેવાનું રહેશે.

દસ્તાવેજ ચકાસણીમાં ગેરહાજર રહેનાર ઉમેદવારને આ ભરતી પ્રક્રિયામાં ભાગ લેવા ઇચ્છુક નથી એમ માનીને "ગેરલાયક" (DISQUALIFIED) ઠરાવવામાં આવશે. પ્રમાણપત્ર ચકાસણીમાં જે ઉમેદવાર ભરતી નિયમો અને જાહેરાતની જોગવાઈ મુજબની શૈક્ષણિક લાયકાત, નિયમયાદા, જાતિ પ્રમાણપત્ર, દિવ્યાંગતા પ્રમાણપત્ર કે જાહેરાતમાં દર્શાવ્યા મુજબના બીજા પ્રમાણપત્રો ધરાવતા ના હોય, તેમને પણ ગેરલાયક ઠરાવવામાં આવશે.

ફાઇનલ સિલેક્ટ લીસ્ટ ક્યારે આવશે?

મંડળે અગાઉ તા. ૧૮/૩/૨૦૨૬ના રોજ પ્રોવિઝનલ મેરીટ લીસ્ટ બહાર પાડી હતી. આ એડિશનલ લીસ્ટ (તા. ૧/૮/૨૦૨૬) સાથે તેમાં સમાવિષ્ટ ઉમેદવારો પૈકી દસ્તાવેજ ચકાસણી પછી કેટેગરી અને મેરીટ મુજબ પસંદ થનાર ઉમેદવારોનો સમાવેશ કરી ફાઇનલ સિલેક્ટ લીસ્ટ, રેકમેન્ડેશન અને ડિસ્ટ્રીક્ટ એલોટમેન્ટ લીસ્ટ મંડળ તૈયાર કરશે.

આ ભરતી માટે લઘુતમ લાયકી ધોરણ (Minimum Qualifying Standard) કુલ ગુણના 40% નક્કી કરાયું છે.

એડિશનલ પ્રોવિઝનલ મેરીટ લીસ્ટ ગુજરાત પંચાયત સેવા પસંદગી મંડળની વેબસાઇટ પર જોઈ શકાય છે.