મોદીના 25 વર્ષ પૂરા થતાં કાંકરિયા પર 1.25 લાખ દીવડા પ્રગટાવાયા, અમિત શાહ-ભૂપેન્દ્ર પટેલે કરી આરતી

વડાપ્રધાન નરેન્દ્ર મોદીના જન્મદિવસ અને 25 વર્ષની જાહેર સેવાની ઉજવણી નિમિત્તે અમદાવાદના કાંકરિયા લેકફ્રન્ટ પર ગયા સોમવારે (17 સપ્ટેમ્બર 2026) ‘એક દીપક આશીર્વાદ નો’ કાર્યક્રમ યોજાયો. સેવા સંકલ્પ અભિયાનની ઉજવણીમાં કેન્દ્રીય ગૃહ અને સહકાર મંત્રી અમિત શાહે અને મુખ્યમંત્રી ભૂપેન્દ્ર પટેલે ભારત માતાની આરતી કરી.

આ પ્રસંગે આખા કાંકરિયા લેકફ્રન્ટ પર લગભગ 1.25 લાખ દીવડા પ્રગટાવવામાં આવ્યા. મોટી સંખ્યામાં નાગરિકો હાથમાં દીવડો લઈને ઉજવણીમાં જોડાયા અને ભારત માતાની આરતી કરી.

કાર્યક્રમમાં રાજ્યમંત્રી દર્શના વાઘેલા, અમદાવાદના મેયર હિતેશ બારોટ, સ્થાનિક ધારાસભ્યો, શહેર ભાજપ પ્રમુખ પ્રેરક શાહ, ભૂતપૂર્વ સાંસદ હરિન પાઠક અને ડૉ. કિરીટ સોલંકી, નાયબ મેયર અંજુ શાહ, સ્થાયી સમિતિના પ્રમુખ કમલેશ પટેલ, મ્યુનિસિપલ કમિશનર બંછાનિધિ પાણી અને અમદાવાદ કલેક્ટર ભાવ્યા વર્મા સહિત મ્યુનિસિપલ કોર્પોરેશનના કોર્પોરેટરો, હોદ્દેદારો અને ઓફિસરો પણ હાજર રહ્યા હતા.

સમાચાર સ્રોત: માહિતી વિભાગ, ગુજરાત સરકાર — સત્તાવાર જાહેરાત અહીં વાંચો