કંડલા-ગોરખપુર એલપીજી પાઇપલાઇન: ભચાઉના ૮ ગામોમાં જમીન વપરાશ અધિકાર માટે જાહેરનામું, ૨૧ દિવસમાં વાંધા મંગાવાયા

કેન્દ્ર સરકારના પેટ્રોલિયમ અને કુદરતી ગેસ મંત્રાલયે કંડલાથી ગોરખપુર એલપીજી પાઇપલાઇન પ્રોજેક્ટ માટે કચ્છ જિલ્લાના ભચાઉ તાલુકાના ૮ ગામોમાં જમીન ઉપયોગના અધિકાર (Right of User) મેળવવા જાહેરનામું બહાર પાડ્યું છે. આઈએચબી લિમિટેડ (IHB Limited) દ્વારા કંડલા (ગુજરાત)થી ગોરખપુર (ઉત્તર પ્રદેશ) વચ્ચે એલપીજી પરિવહન માટે પાઇપલાઇન નાખવામાં આવી રહી છે.

પેટ્રોલિયમ એન્ડ મિનરલ્સ પાઇપલાઇન્સ (એક્વિઝિશન ઓફ રાઇટ ઓફ યુઝર ઇન લેન્ડ) એક્ટ, ૧૯૬૨ની કલમ ૩(૧) હેઠળ જમીનનો વપરાશ અધિકાર સંપાદિત કરવાની સરકારની ઇચ્છા જાહેર કરવામાં આવી છે. આ અંગે રસ ધરાવતા કે અસરગ્રસ્ત ખાતેદારો ગેઝેટ પ્રસિદ્ધ થયાના ૨૧ દિવસમાં લેખિત વાંધા રજૂ કરી શકશે.

કયા ગામોના સર્વે નંબરનો સમાવેશ થાય છે?

જાહેરનામાની અનુસૂચિ મુજબ ભચાઉ તાલુકાના નીચે મુજબના ગામો અને સર્વે નંબરોમાંથી પાઇપલાઇન પસાર થશે:

• ચીરઈ નાની: સર્વે નંબર ૪૭૮/પૈ૧૧, ૧૪૧/પૈ૨/જુના, ૧૪૧/પૈ૧, ૨૩૬/૧૧/પૈ૨, ૬૪ જુના
• ચીરઈ મોટી: સર્વે નંબર ૧૦૦૩/૧૯, ૧૦૦૩/પૈ૧૧૩, ૧૦૦૩/પૈ૨૫, ૩૭૩, ૨૦૫
• ભચાઉ: સર્વે નંબર ૨૮૬૬ પૈકી, ૧૫૯૯
• વોંધ: સર્વે નંબર ૧૪૨૯/પૈ૧૬, ૧૪૩૫ રાવસિ પૈકી, ૧૪૨૯ પૈકી ૧૨, ૮૩૧, ૮૧૧/૧, ૮૧૧/૨, ૮૧૨/૧, ૮૧૪/૧/પૈ૧, ૮૧૪/૧/પૈ૨/પૈ૧, ૮૧૪/૧/પૈ૨, ૧૪૨૯ પૈકી ૮, ૧૩૮૬/૧, ૧૩૮૬, ૪૦૯, ૧૩૮૯/૩, ૧૩૬૧/પૈ૧
• છાડવાડા: સર્વે નંબર ૮૯૮, ૩૬૯/પૈ૧, ૨૯૯/પૈ૧, ૫૩૯, ૫૨૦
• લલિયાણા: સર્વે નંબર ૧૫૬/પૈ૧, ૧૫૩/પૈ૨, ૧૫૬/પૈ૨, ૧૮/પૈ૧, ૧૮/પૈ૨/પૈ૩
• નવા કટારિયા: સર્વે નંબર ૧૬, ૧૮/૩, ૧૮/૨, ૨૫, ૨૨/૨, ૫૫/પૈ૧
• વાંધિયા: સર્વે નંબર ૭૨૮/૨/પૈ૧/પૈ૧, ૭૨૮/૨/પૈ૨, ૧૩૫૨/પૈ૧, ૧૩૫૨/પૈ૨, ૪૩૧/૧
• શિકારપુર: સર્વે નંબર ૧૧૩, ૧૧૪/૧

વાંધા ક્યાં અને કેવી રીતે રજૂ કરવા?

જે લોકોની જમીન આ સર્વે નંબરોમાં આવે છે અને પાઇપલાઇન નાખવા સામે કોઈ વાંધો હોય, તેઓ ગેઝેટની નકલ જાહેર જનતા માટે ઉપલબ્ધ કરાયાની તારીખથી ૨૧ દિવસની અંદર પોતાના વાંધા લેખિતમાં સક્ષમ અધિકારી સમક્ષ રજૂ કરી શકે છે.

વાંધા અરજી મોકલવાનું સરનામું: જ્યોતિબેન રવિભાઈ ગોહેલ, સક્ષમ પ્રાધિકારી અને નાયબ કલેક્ટર (ભચાઉ), પ્રાંત કચેરી, પહેલો માળ, સિવિલ કોર્ટ પાસે, ભચાઉ - ૩૭૦૧૪૦

કેન્દ્ર સરકારના પેટ્રોલિયમ મંત્રાલયનું સત્તાવાર જાહેરનામું ગેઝેટમાં જોઈ શકાય છે.