દાહોદ વન વિભાગના ડેપો પર ચણેલા માલ અને ઊભાં ઝાડોની ઈ-ઓક્શનથી હરાજી ૭ ઓક્ટોબરે

દાહોદના સામાજિક વનીકરણ વિભાગે જાહેરનામું નંબર ૫/૨૦૨૬-૨૭ પ્રગટ કર્યું છે. જાહેરનામા પ્રગટ થયાની તારીખ ૨૨/૦૯/૨૦૨૬ થાય તેના બીજા દિવસથી જ વિભાગ હસ્તકના ડેપો પર પડેલા માલ અને રસ્તા તથા ખાણની બાજુના ઊભા ઝાડોની પૂરી માહિતી https://forestauction.nprocure.com/ અને https://forests.gujarat.gov.in/tender-listing.htm વેબસાઈટ પર મેળવી શકાશે. ઓક્શનનું શિડ્યુલ જે તે ઈ-ઓક્શનના બે દિવસ પહેલાથી વેબસાઈટ પર મુકાશે.

ઓક્શન ક્યારે અને ક્યાં

ઈ-ઓક્શન તા. ૦૭/૧૦/૨૦૨૬ના રોજ બપોરે ૧૧:૩૦ કલાકે (n)Procure પોર્ટલ પર શરૂ થશે. તેમાં દાહોદના સામાજિક વનીકરણ વિભાગની જુદી જુદી રેંજના ડેપો પર ચણેલો લાકડો તથા બારીયા, દાહોદ, ગરબાડા રેંજની રોડ સાઈડ અને દાહોદ રેંજના જાલત અને કઠલા ગ્રામવન ખાતે ઊભાં ઝાડો વેચાણ માટે રાખવામાં આવ્યાં છે.

ભાગ લેવા માટે શું કરવું પડશે

ઓક્શનમાં ભાગ લેનાર વ્યક્તિ, સંસ્થા કે પેઢીએ CLASS-III Digital Signature Certificate (DSC) (n)Code Solutions, TCS Safescript કે MTNL પાસેથી પહેલેથી મેળવી લેવાનું રહેશે. DSC મળ્યા બાદ https://forestauction.nprocure.com/ પરથી User ID અને Password સહિતની માહિતી ડાઉનલોડ કરી શકાશે. આ અંગેની કોઈ પણ સહાય માટે (n)Procure હેલ્પ ડેસ્ક, જે કામકાજના દિવસે સવારે ૧૦ થી રાત્રે ૮ કલાક ખુલ્લું રહેશે, તેના ફોન નંબર ૭૩૫૯૦૨૧૬૬૩ પર સંપર્ક કરી શકાશે. ઈ-ઓક્શનમાં રાખેલા માલની પુછપરછ માટે દાહોદ, બારીયા, ગરબાડા અને ધાનપુર પરિક્ષેત્ર વન અધિકારીશ્રીની કચેરીમાં સંપર્ક કરી શકાશે.

ઓક્શનમાં ભાગ લેવા માટે જે ઈચ્છતા હોય તેમણે કાયમી EMD (એરનેસ્ટ મની ડિપોઝીટ) ભરવાનું હોય, જે રૂ. ૧૦,૦૦૦ની છે. તેનું પ્રમાણપત્ર મેળવવા માટે વનમામેલ મુખ્ય વન સંરક્ષકશ્રી, સુરત વનમંડળ, સુરતની કચેરીનો સંપર્ક કરવાનો રહેશે, જે વધુમાં વધુ ત્રણ વર્ષ માટે માન્ય રહેશે. કાયમી EMD ન ભરવા ઈચ્છતા ઈજારદારોએ ઓક્શન માટે રૂ. ૩,૦૦૦ની EMD અને અનામત ડિપોઝીટ તરીકે રૂ. ૧,૦૦,૦૦૦ની રકમ ડિમાંડ ડ્રાફ્ટથી ભરપાઈ કરવાની રહેશે.

ઈ-ઓક્શનમાં ભાગ લેનાર દરેક વ્યક્તિ, સંસ્થા કે પેઢીએ પોતાનું નામ, સંસ્થા કે પેઢીનું નામ, પત્રવ્યવહારનું સરનામું, મોબાઈલ નંબર, યુઝર આઈડી વગેરેની માહિતી લેખિત સ્વરૂપમાં આપવાની રહેશે. તે સાથે DSC, GST રજીસ્ટ્રેશન સર્ટિફિકેટ અને PANની ઝેરોક્ષ નકલ, તેમજ (n)Procure પર નોંધાયેલ આઈડી નંબર, તમામ દસ્તાવેજો સાથે ડિમાંડ ડ્રાફ્ટ, તા. ૦૬/૧૦/૨૦૨૬નાં સાંજે ૦૫:૦૦ વાગ્યા સુધીમાં નાયબ વન સંરક્ષકશ્રીની કચેરી, સામાજિક વનીકરણ વિભાગ, ITIની સામે, ઝાલોદ રોડ, દાહોદમાં રજૂ કરવાના રહેશે.

ઓક્શનમાં મળેલી હરાજી મંજૂર થયા બાદ કુલ કિંમતના ૨૫% નાણાં ઓક્શન પૂરું થયાના સાત દિવસ માં અને બાકીના ૭૫% સોદા વાઈઝ ઇસ્યૂ થયેલા ચલણ મેળવી ૧૫ દિવસમાં સરકારી તિજોરીમાં ભરવાના રહેશે. ખરીદેલા લોટ પર લાગુ પડતા વેરા, જીએસટી અને ઇન્કમટેક્ષની રકમ નિયત પદ્ધતિથી ભરીને તેના ચલણ જે તે વિભાગમાં ૧૫ દિવસમાં રજૂ કરવાના રહેશે. ઓક્શનમાં ખરીદેલા માલનો નિકાલ વકા ઓર્ડર ઇસ્યૂ થયાની તારીખથી ૩૦ દિવસમાં કરવાનો રહેશે.

વધુ વિગતો માટે નાયબ વન સંરક્ષકશ્રીની કચેરી, સામાજિક વનીકરણ વિભાગ, દાહોદનો ફોન નંબર ૦૨૬૭૩-૨૬૬૧૩૭ પર સંપર્ક કરી શકાશે.