મુખ્યમંત્રી ભૂપેન્દ્ર પટેલે કર્યા ‘ખાડિયા ના ગણરાજ’ના દર્શન, ચરણ સ્પર્શથી લીધા આશીર્વાદ

મુખ્યમંત્રી ભૂપેન્દ્ર પટેલે 19 સપ્ટેમ્બરે અમદાવાદના ખાડિયા વિસ્તારમાં ગોઠવાયેલા ‘ખાડિયા ના ગણરાજ’ના દર્શન કર્યાં અને ગણેશજીની આરાધના કરી. મુંબઈના પ્રખ્યાત લાલબાગચા રાજાની નકલે ગોઠવાયેલા આ ગણેશજીના દર્શન વખતે મુખ્યમંત્રીએ ‘ચરણ સ્પર્શ’નું સન્માન પણ માન્યું.

મુખ્યમંત્રી પંડાલમાં પહોંચતાં ‘ગણપતિ બાપ્પા મોર્યા’ના જયઘોષે આખું વાતાવરણ ગૂંજી ઉઠ્યું. તેમણે ત્યાં આવેલા શ્રદ્ધાળુઓને અભિવાદન કર્યું અને ઉત્સવનો આનંદ સાથે ઉજવ્યો.

ગુજરાતમાં પહેલી વાર ‘ચરણ સ્પર્શ’ દર્શન

‘ખાડિયા ના ગણરાજ’ ખાડિયા વિસ્તારની લાખિયાની પોળમાં અષ્ટવિનાયક ચેરિટેબલ ટ્રસ્ટ અને ધર્માચાર્યોએ મુંબઈના લાલબાગચા રાજાથી પ્રેરાઈને શહેરમાં પહેલી વાર વિશાળ પાયે પ્રાણપ્રતિષ્ઠા કર્યા છે. ગુજરાતમાં પહેલી વાર શ્રદ્ધાળુઓને ‘ચરણ સ્પર્શ’ દર્શનથી ગણેશજીના આશીર્વાદ લેવાની તક મળી છે. પંડાલની સજાવટ પણ અમદાવાદની વારસાગત પોળોની થીમ પર કરાઈ છે.