GPSSB ફિમેલ હેલ્થ વર્કર ભરતી: ૧૨ ઉમેદવારોની જિલ્લા ફાળવણી તા. ૧૧/૦૮/૨૦૨૬એ

ગુજરાત પંચાયત સેવા પસંદગી મંડળે ફિમેલ હેલ્થ વર્કર ભરતી (હેરાત નં. ૧૧/૨૦૨૫-૨૬, દિવ્યાંગ ઉમેદવારોની ખાસ ભરતી ઝુંબેશ) માટે જિલ્લા ફાળવણી કાર્યક્રમ જાહેર કર્યો છે. પરીક્ષા પછીની ડોક્યુમેન્ટ વેરીફીકેશન ચકાસણી પૂરી થયા બાદ ૧૨ ઉમેદવારોને આ કાર્યક્રમ માટે બોલાવવાના રહ્યા છે.

ક્યારે અને ક્યાં

જિલ્લા ફાળવણી ઓનલાઈન રીતે તા. ૧૧/૦૮/૨૦૨૬, મંગળવારના રોજ સવારે ૧૦-૩૦ કલાકે થશે. સ્થળ ગુજરાત પંચાયત સેવા પસંદગી મંડળ, રૂમ નં. ૦૨, ડી વિંગ, પાંચમો માળ, કમ્યોગી ભવન, સેક્ટર-૧૦/એ, ગાંધીનગર છે. સીરીયલ નંબર ૧ થી ૧૨ સુધીના તમામ ઉમેદવારોએ આ જ તારીખ-સમયે હાજર રહેવાનું રહેશે.

મંડળે આ સાથે ડોક્યુમેન્ટ વેરીફીકેશન પછી સફળ રહેલા ૧૨ ઉમેદવારોની લિસ્ટ પણ પ્રસિદ્ધ કરી છે.

શું લાવવાનું રહેશે

ઉમેદવારે પોતાના તમામ અસલ પ્રમાણપત્રો, અસલ ફોટો આઈડી પ્રૂફ અને કલર પાસપોર્ટ સાઇઝ ફોટોગ્રાફ સાથે લાવવાનો રહેશે.

કોઈ કારણસર ઉમેદવાર પોતે હાજર રહી શકે નહીં તો, એફીડેવીટ ઉપર ઓથોરીટી લેટર સાથે અધિકૃત કરેલ પુખ્ત વયની વ્યક્તિને મોકલી શકાશે. આ લેટર એફીડેવીટ સ્વરૂપે હોવી જોઈએ, તેમાં બંને વ્યક્તિના ફોટા ચોંટાડેલા હોવા જોઈએ અને ઉમેદવારે બંને ફોટા ઉપર સહી કરેલી હોવી જોઈએ. અધિકૃત વ્યક્તિએ પોતાના ઓળખપત્રની અસલ અને ઝેરોક્સ નકલ પણ સાથે રાખવી.

હાજર ન રહેવાય તો શું થશે

ઓનલાઈન જિલ્લા ફાળવણી ઉમેદવારના સીરીયલ નંબરના ક્રમમાં, યોગ્યતા કેટેગરી મુજબ ઉપલબ્ધ જિલ્લાવાર જગ્યાના આધારે થશે. ઉમેદવારનો નંબર આવે ત્યારે તે અથવા તેના ઓથોરાઇઝ પ્રતિનિધિની હાજરી ફરજિયાત છે.

મંડળે ચોખ્ખું કહ્યું છે કે નિયત સમયે હાજર ન રહેવાય, જિલ્લો પસંદ ન કરાય કે પસંદ કરવાનો ઈનકાર કરાય, તો એ ઉમેદવારની પસંદગી "રદ" ગણાશે અને આ ભરતી પ્રક્રિયામાં તેને પસંદગી કે નિમણૂક માટે કોઈ કાયદેસરનો હક્ક રહેશે નહીં. મોડા આવનાર ઉમેદવારોને તે સમયે કેટેગરી મુજબ જે જગ્યા ખાલી હશે, તેમાંથી જ જિલ્લો પસંદ કરાવવાનો રહેશે.

મંડળે સાફ કહ્યું છે કે જિલ્લા ફાળવણી મળવાથી નિમણૂક માટેનો હક્ક આપોઆપ મળી જતો નથી. કાર્યક્રમ પૂરો થયા બાદ જિલ્લા ફાળવણીની યાદી મંડળની વેબસાઈટ પર મૂકવામાં આવશે.

આ ભરતી અંગેની વિગતો માટે મંડળની હેરાત વેબસાઈટ પર ઉપલબ્ધ છે.