GPSC: સ્પોર્ટ્સ ઓથોરિટીમાં આસિસ્ટન્ટ ડિરેક્ટર વર્ગ-૧ માટે ઇન્ટરવ્યુ પાત્ર ૨૬ ઉમેદવારોનું લિસ્ટ જાહેર
GPSC દ્વારા સ્પોર્ટ્સ ઓથોરિટી ઓફ ગુજરાતમાં આસિસ્ટન્ટ ડિરેક્ટર વર્ગ-૧ માટે અરજી ચકાસણી બાદ ઇન્ટરવ્યુ પાત્ર ૨૬ ઉમેદવારોના રોલ નંબર જાહેર કરાયા છે.
ગુજરાત જાહેર સેવા આયોગે (GPSC) સ્પોર્ટ્સ ઓથોરિટી ઓફ ગુજરાત હસ્તકની આસિસ્ટન્ટ ડિરેક્ટર વર્ગ-૧ જગ્યા માટે રૂબરૂ મુલાકાત (ઇન્ટરવ્યુ) પાત્ર ઉમેદવારોની યાદી જાહેર કરી છે. અરજીઓની ચકાસણી પૂરી થયા પછી નિયત કટ ઓફ ધરાવતા કુલ ૨૬ ઉમેદવારોને ઇન્ટરવ્યુ માટે લાયક ગણવામાં આવ્યા છે.
જાહેરાત ક્રમાંક ૧૧૧/૨૦૨૫-૨૬ હેઠળ સ્પોર્ટ્સ ઓથોરિટી ઓફ ગુજરાતમાં આસિસ્ટન્ટ ડિરેક્ટર વર્ગ-૧ની ભરતી પ્રક્રિયા ચાલી રહી છે. આ ભરતી માટે આયોગે સંબંધિત વિષયની પ્રાથમિક કસોટી ૧૫ માર્ચ ૨૦૨૬ના રોજ અને સામાન્ય અભ્યાસની પરીક્ષા ૧૦ મે ૨૦૨૬ના રોજ લીધી હતી. આ કસોટીઓના પરિણામના આધારે આયોગે ૧૬ જૂન ૨૦૨૬ના રોજ અરજી ચકાસણી માટે પાત્ર ૪૧ ઉમેદવારોના બેઠક નંબર જાહેર કર્યા હતા.
૨૬ ઉમેદવારો ઇન્ટરવ્યુ માટે પસંદ
અરજી ચકાસણી માટે પસંદ થયેલા ૪૧ ઉમેદવારોના કાગળોની ચકાસણી કર્યા પછી, આયોગે નક્કી કરેલા કટ ઓફ મુજબ કુલ ૨૬ ઉમેદવારોને રૂબરૂ મુલાકાત માટે લાયક ઠેરવ્યા છે. આ તમામ ૨૬ ઉમેદવારોના બેઠક નંબર આયોગે સત્તાવાર યાદીમાં મૂક્યા છે.
આ ભરતી પરીક્ષા આપનારા ઉમેદવારો ઓજસ પોર્ટલ પર મુકાયેલી સત્તાવાર યાદીમાં પોતાના બેઠક નંબર ચકાસી શકે છે. રૂબરૂ મુલાકાતની તારીખો અને કાર્યક્રમ અંગે આયોગ હવે પછી અલગથી જાણ કરશે.
