GPSC: સ્પોર્ટ્સ ઓથોરિટીમાં આસિસ્ટન્ટ ડિરેક્ટર વર્ગ-૧ ભરતીના ઇન્ટરવ્યુ માટે ૨૬ ઉમેદવારોનું લિસ્ટ જાહેર

ગુજરાત જાહેર સેવા આયોગ (GPSC) દ્વારા સ્પોર્ટ્સ ઓથોરિટી ઓફ ગુજરાત (Sports Authority of Gujarat) હસ્તકની આસિસ્ટન્ટ ડિરેક્ટર વર્ગ-૧ (Assistant Director, Class-I) જગ્યા માટે રૂબરૂ મુલાકાત (ઇન્ટરવ્યુ) પાત્ર ઉમેદવારોની યાદી જાહેર કરવામાં આવી છે. આ ભરતી માટે યોજાયેલી પ્રાથમિક કસોટી અને અરજીઓની ચકાસણી બાદ કુલ ૨૬ ઉમેદવારો ઇન્ટરવ્યુ માટે લાયક ઠર્યા છે.

GPSCની જાહેરાત ક્રમાંક ૧૧૧/૨૦૨૫-૨૬ અન્વયે આસિસ્ટન્ટ ડિરેક્ટર વર્ગ-૧ની જગ્યા ભરવા માટે પ્રક્રિયા ચાલી રહી છે. આયોગ દ્વારા સામાન્ય અભ્યાસની તા. ૧૦-૦૫-૨૦૨૬ અને સંબંધિત વિષયની તા. ૧૫-૦૩-૨૦૨૬ના રોજ પ્રાથમિક કસોટી યોજવામાં આવી હતી. તે કસોટીના આધારે આયોગે તા. ૧૬-૦૬-૨૦૨૬ના રોજ અરજી ચકાસણી માટે પાત્ર ૪૧ ઉમેદવારોની યાદી પ્રસિદ્ધ કરી હતી.

આ ૪૧ ઉમેદવારોની અરજીઓની વિગતવાર ચકાસણી કર્યા બાદ, નિયત કટ ઓફ ધરાવતા કુલ ૨૬ ઉમેદવારોને રૂબરૂ મુલાકાત માટે પાત્ર ગણવામાં આવ્યા છે. આ તમામ ૨૬ ઉમેદવારોના બેઠક નંબર આયોગની સત્તાવાર જાહેરાતમાં પ્રસિદ્ધ કરવામાં આવ્યા છે.

ઉમેદવારો આયોગની સત્તાવાર વેબસાઇટ પર જઈને પોતાનો બેઠક નંબર ચકાસી શકે છે. રૂબરૂ મુલાકાતનો વિગતવાર કાર્યક્રમ અને તારીખો અંગે આયોગ હવે પછી અલગથી સૂચના આપશે.