BKNMUએ પ્રથમ વર્ષ MBBSનું પરિણામ જાહેર કર્યું, પુનઃમૂલ્યાંકન માટે ૧૪ ઓક્ટોબર સુધી ઓનલાઇન અરજી

જૂનાગઢ સ્થિત ભક્તકવિ નરસિંહ મહેતા યુનિવર્સિટીએ ઓગસ્ટ ૨૦૨૬માં લેવાયેલી પ્રથમ વર્ષ એમબીબીએસ (F.Y. M.B.B.S. New ERP) પરીક્ષાનું પરિણામ ૭ ઓક્ટોબર ૨૦૨૬ના રોજ જાહેર કર્યું છે. વિદ્યાર્થીઓ યુનિવર્સિટીના પોર્ટલ પર પોતાનો SPU ID અને પાસવર્ડ નાખીને માર્કશીટ જોઈ તેમજ ડાઉનલોડ કરી શકશે.

પરીક્ષા વિભાગે બહાર પાડેલા પરિપત્ર મુજબ, પરિણામથી અસંતોષ હોય તેવા વિદ્યાર્થીઓ માટે ઓનલાઇન પુનઃમૂલ્યાંકન (રી-એસેસમેન્ટ) માટેની અરજી શરૂ કરવામાં આવી છે. વધુ વિગત માટે યુનિવર્સિટીનો સત્તાવાર પરિપત્ર જોઈ શકાશે.

પુનઃમૂલ્યાંકન માટેના નિયમો અને તારીખો

• ઓનલાઇન અરજીની મુદત: ૮ ઓક્ટોબર ૨૦૨૬ થી ૧૪ ઓક્ટોબર ૨૦૨૬ સુધી
• વિષયની મર્યાદા: મેડિકલ કોર્સમાં વધુમાં વધુ બે વિષયમાં પુનઃમૂલ્યાંકન માટે અરજી કરી શકાશે.
• ફી: પ્રતિ સેક્શન દીઠ પુનઃમૂલ્યાંકન ફી રૂ. ૨૫૦ રહેશે.

પરિણામ જોવાની અને પુનઃમૂલ્યાંકન ફોર્મ ભરવાની રીત

૧. વિદ્યાર્થીઓએ પોર્ટલ (bknmuerp.in) પર જવું.
૨. પોતાનો SPU ID અને પાસવર્ડ નાખી લોગિન કરવું. પાસવર્ડ ન હોય તો 'Forgot password' કરીને નવો મેળવી શકાશે.
૩. લોગિન થયા બાદ 'College Department' મોડ્યુલ પસંદ કરી પરીક્ષા સિલેક્ટ કરીને માર્કશીટ ડાઉનલોડ કરી શકાશે.
૪. પુનઃમૂલ્યાંકન માટે 'Apply Reassessment' પર ક્લિક કરી બેંક ખાતાની વિગત, વિષય પસંદ કરી ડેટા ફ્રીઝ કરવો પડશે અને ઓનલાઇન ફી ભર્યા બાદ ફોર્મ અને પહોંચ ડાઉનલોડ કરી શકાશે.

પરિણામમાં ખામી હોય તો ૧૫ ઓક્ટોબર સુધી રજૂઆત

જે વિદ્યાર્થીઓના પરિણામમાં ડેશ (-), NE અથવા ગેરહાજર દર્શાવેલ હોય, વિષયમાં ફેરફાર હોય કે અન્ય કોઈ ક્ષતિ હોય, તેમણે સુધારા માટે જે તે કોલેજ મારફતે યુનિવર્સિટીમાં અરજી કરવી પડશે. કોલેજના લેટરપેડ સાથે જરૂરી પુરાવા જોડીને યુનિવર્સિટીના પરીક્ષા વિભાગમાં ૧૫ ઓક્ટોબર ૨૦૨૬ સુધીમાં (પરિણામની હાર્ડ કોપીની રાહ જોયા વગર) અરજી જમા કરાવવાની રહેશે. મુદત વીત્યા પછી આવનારી કોઈ અરજી ધ્યાને લેવામાં આવશે નહીં.

યુનિવર્સિટીએ સ્પષ્ટતા કરી છે કે જે વિદ્યાર્થીઓએ માઇગ્રેશન જમા કરાવેલ નહીં હોય, તેઓ ઓનલાઇન પરિણામ જોઈ શકશે નહીં.