SSC જુનિયર એન્જિનિયર પરીક્ષા 2026: 22 સપ્ટેમ્બર સુધીમાં ઓનલાઈન ફોર્મ ભરી દો, તારીખ વધશે નહીં

કર્મચારી પસંદગી આયોગ (SSC)એ જુનિયર એન્જિનિયર પરીક્ષા, 2026ના ઉમેદવારોને નોટિસ કાઢીને કહ્યું છે કે ઓનલાઈન અરજી ફોર્મ છેલ્લી તારીખ 22 સપ્ટેમ્બર 2026 પહેલાં, વહેલું ભરી દે. નોટિસ 17 સપ્ટેમ્બર 2026ના તારીખે આયોગના અંડર સેક્રેટરીના નામે બહાર પાડવામાં આવી છે.

આયોગે કારણ સમજાવ્યું છે કે છેલ્લા એક-બે દિવસમાં વેબસાઈટ પર ભારે ભીડ થાય છે અને સર્વર પર લોડ વધી જાય છે. આના કારણે ફોર્મ ભરવામાં મુશ્કેલી આવી શકે છે, એટલે ઉમેદવારોએ છેલ્લી ઘડી સુધી રાહ ન જોવી.

સૌથી અગત્યની વાત એ છે કે આયોગે સ્પષ્ટ કહી દીધું છે કે કોઈ પણ સ્થિતિમાં અરજી માટેની છેલ્લી તારીખ લંબાવવામાં આવશે નહીં. એટલે 22 સપ્ટેમ્બર પછી ફોર્મ ભરવાની કોઈ તક મળશે નહીં.

જે ઉમેદવારોએ હજી સુધી ફોર્મ ન ભર્યું હોય તેમણે ssc.gov.in પર જઈને તરત અરજી કરી દેવી જોઈએ.

નોટિસ અહીં વાંચો: SSCની સત્તાવાર નોટિસ (PDF)