GSSSB ભરતીની પરીક્ષાના કોલ લેટર આજ રાતથી ડાઉનલોડ થશે, પરીક્ષા ૦૪/૧૦/૨૦૨૬ એ

ગુજરાત ગૌણ સેવા પસંદગી મંડળ, ગાંધીનગરે અધિક મદદનીશ ઇજનેર (સીવીલ) અને જુનિયર ઉદ્યોગ નિરીક્ષક, વર્ગ-૩ સંવર્ગની ભરતીની પરીક્ષાના કોલ લેટર ડાઉનલોડ કરવાની તારીખ જાહેર કરી છે. જા.ક્ર. ૩૦૩/૨૦૨૫૨૬, અધિક મદદનીશ ઇજનેર (સીવીલ) ના ઉમેદવારો તા. ૨૯/૦૯/૨૦૨૬ ના રોજ રાત્રે ૧૦:૦૦ કલાકથી કોલ લેટર ડાઉનલોડ કરી શકશે. પરીક્ષા શરૂ થવાના ૧૫ મિનિટ પહેલાં સુધી ડાઉનલોડ કરી શકાય છે. ત્યાર બાદ જુનિયર ઉદ્યોગ નિરીક્ષક (જા.ક્ર. ૪૨૩/૨૦૨૫૨૬) ના ઉમેદવારો માટે તા. ૩૦/૯/૨૦૨૬ ના રોજ સવારે ૧૧:૦૦ કલાકથી ડાઉનલોડ શરૂ થશે.

પરીક્ષા તા. ૦૪/૧૦/૨૦૨૬ ના રોજ

બંને સંવર્ગની MCQ-CBRT પદ્ધતિની પરીક્ષા તા. ૦૪/૧૦/૨૦૨૬ ના રોજ યોજાશે. અધિક મદદનીશ ઇજનેર (સીવીલ) ની પરીક્ષા સવારે ૦૯:૦૦ થી ૧૨:૦૦ કલાક સુધી છે, જેમાં રીપોર્ટિંગ સમય સવારે ૦૭:૩૦ કલાક છે. જુનિયર ઉદ્યોગ નિરીક્ષકની પરીક્ષા બપોરે ૧૫:૩૦ થી ૧૮:૩૦ કલાક સુધી છે, જેમાં રીપોર્ટિંગ સમય ૧૪:૦૦ કલાક છે.

રીપોર્ટિંગ સમય બાદ કેન્દ્ર પર પહોંચનાર ઉમેદવારને કોઈપણ સંજોગોમાં પ્રવેશ નહીં મળે, તેવી સ્પષ્ટ સૂચના મંડળે આપી છે. પરીક્ષામાં ઉમેદવારોનું બાયોમેટ્રિક વેરિફિકેશન થશે. પરીક્ષામાં ખોટા જવાબ પર ૧/૪ નેગેટિવ માર્કિંગ પણ રહેશે.

કોલ લેટર ડાઉનલોડ કરવાની રીત

ઉમેદવારોએ આ લિંક પર જઈને કન્ફર્મ નંબર, જન્મ તારીખ અને ઇમેજ ટેક્સ્ટ ટાઈપ કરવાના રહેશે: https://cdn3.digialm.com/EForms/configuredHtml/32791/95017/login.html

ત્યાર બાદ Admit Card પર ક્લિક કરીને ઓનલાઈન પ્રવેશપત્ર-કોલ લેટર ડાઉનલોડ કરી શકાશે. કોલ લેટરની ફિઝિકલ પ્રિન્ટ આઉટ કાઢીને પરીક્ષા કેન્દ્રે સાથે લાવવાનું રહેશે. કોલ લેટરમાં આપેલી સૂચનાઓ વાંચીને તેનું પાલન કરવાનું રહેશે. ડાઉનલોડમાં મુશ્કેલી પડે તો કચેરી સમય દરમિયાન મંડળની હેલ્પલાઈન ૦૭૯-૨૩૨૫૮૯૧૬ પર સંપર્ક કરી શકાય છે.

દિવ્યાંગ ઉમેદવારો માટે લેખક/વળતર સમયની અરજી

જાહેરાતમાં ઉમેદવારી નોંધાવેલ દિવ્યાંગ ઉમેદવારો અને લખવામાં તકલીફ હોય તેવા ઉમેદવારો માટે મંડળે લેખક/વળતર સમયની સુવિધા માટે અરજી આમંત્રી છે. બંને સંવર્ગ માટે તા. ૨૯/૦૯/૨૦૨૬ થી તા. ૦૩/૧૦/૨૦૨૬ ના બપોરના ૧૪:૦૦ કલાક સુધી અરજી કરી શકાશે.

ઉમેદવારે અરજી ફોર્મ ભરીને, દિવ્યાંગતાનું તબીબી પ્રમાણપત્ર તથા લેખકના તમામ જરૂરી પ્રમાણપત્રો (ઉંમર, શૈક્ષણિક લાયકાત અને આઈ.ડી. પ્રૂફ) ની નકલ સાથે [email protected] પર ઓનલાઈન અરજી કરવાની રહેશે. અરજી મંજૂર થાય ત્યારે પ્રમાણિત કરેલ ફોર્મ અને પ્રમાણપત્રોની નકલો ઉમેદવારોને પરત આપવામાં આવશે, જે પરીક્ષા કેન્દ્રના સંચાલકશ્રીને સોંપવાના રહેશે.

અંધત્વ, બંને હાથની દિવ્યાંગતા અથવા સેરેબ્રલ પાલ્સી ધરાવતા ઉમેદવારો તથા આકસ્મિક પરિસ્થિતિના કારણે હંગામી દિવ્યાંગતા ધરાવતા, લખવા માટે અસમર્થ ઉમેદવારોએ APPENDIX-I (Certificate regarding physical limitation in an examinee to write) પુરાવા સાથે રજૂ કરવાના રહેશે. લેખક/વળતર સમયની સુવિધા મળશે કે નહીં તે અંગે મંડળનો નિર્ણય આખરી રહેશે.

સંપૂર્ણ સૂચના અને ફોર્મ માટે અહીં ક્લિક કરો: https://gsssb.gujarat.gov.in/ViewFile?fileName=4naZ%E2%9C%BF8wS64TzwZ61AZrbMP4tvDBt3Mj8UPSd1xKcshskAK1LR%E2%9C%BF2jPFwkt2aYxuhuZeLmJHhbSBQn74DYWRaQVAON3uhuLicUf1ivZ7ipst2eloscRDN31HNnHBE5x5lE28z0vA6zjwSg3KFdbq5AWg%E2%99%AC%E2%99%AC