GPSC જિલ્લા શિક્ષણ અધિકારી ભરતીની પ્રિલિમની આન્સર કી જાહેર, 28 સપ્ટેમ્બર સુધીમાં વાંધા
જિલ્લા શિક્ષણ અધિકારી ભરતીની પ્રિલિમની પ્રોવિઝનલ આન્સર કી આવી ગઈ છે. વાંધા 23 સપ્ટેમ્બરથી ઓનલાઈન ચાલુ થશે અને છેલ્લી તારીખ 28 સપ્ટેમ્બર છે.
ગુજરાત લોક સેવા આયોગ (GPSC)એ જિલ્લા શિક્ષણ અધિકારી/જિલ્લા પ્રાથમિક શિક્ષણ અધિકારી, ગુજરાત એજ્યુકેશનલ સર્વિસ, ક્લાસ-1 (એડમિનિસ્ટ્રેટિવ બ્રાંચ) (સ્પેશિયલ રિક્રુટમેન્ટ-PwD- બીજો પ્રયાસ) ભરતીની પ્રિલિમની પ્રોવિઝનલ આન્સર કી પ્રસિદ્ધ કરી છે. જાહેરાત નંબર 41/2026-27ની પ્રિલિમ પરીક્ષા 17 સપ્ટેમ્બર 2026ના રોજ થઈ હતી અને આન્સર કી 22 સપ્ટેમ્બર 2026એ આયોગની વેબસાઈટ પર મૂકવામાં આવી છે. કીમાં પ્રશ્ન નંબર 001 થી 200ના જવાબ આપેલા છે.
વાંધા ક્યારે અને કેવી રીતે
આન્સર કી પર વાંધો નોંધાવવાની ઓનલાઈન પ્રક્રિયા 23 સપ્ટેમ્બર 2026થી સવારે 11 વાગ્યા પછી શરૂ થશે. વાંધા મોકલવાની છેલ્લી તારીખ 28 સપ્ટેમ્બર 2026, સાંજે 4 વાગ્યા સુધીની છે. દરેક વાંધા દીઠ 100 રૂપિયા ફી ભરવાની રહેશે, જે એકવાર ભરેલી ફી કોઈ પણ સ્થિતિમાં પરત નહીં મળે. ફી ભર્યા પછી જ વાંધો સબમિટ થશે અને ફીની પહોંચની રસીદ જ આખરી સબમિશન ગણાશે, તેથી ઉમેદવારે રસીદ સાચવી રાખવાની રહેશે.
વાંધા ફક્ત ઓનલાઈન ઓબ્જેક્શન સબમિશન સિસ્ટમ દ્વારા જ સબમિટ કરવાના રહેશે. ટપાલ, ઈ-મેઈલ કે બીજી કોઈ રીતે મોકલેલા વાંધા આયોગ ધ્યાને લેશે નહીં. ઓનલાઈન સબમિશનની લિંક છે: https://www.formonline.co.in/GPSC_TRACK/SearchPage.aspx
નીચેની શરતો પણ આન્સર કી સાથે આપેલી સૂચનાઓમાં લખાયેલી છે:
- વાંધા તમામ વેબસાઈટ પર પ્રસિદ્ધ થયેલ પ્રોવિઝનલ આન્સર કી (માસ્ટર પ્રશ્નપત્ર)ના પ્રશ્નક્રમાંક મુજબ રજૂ કરવાના રહેશે. માસ્ટર પ્રશ્નપત્રમાં નિર્દિષ્ટ પ્રશ્ન અને વિકલ્પ સિવાયના વાંધા ધ્યાને લેવાશે નહીં.
- ઉમેદવારે જે વિકલ્પ પર વાંધો રજૂ કર્યો હોય તે જવાબ તેણે પોતાની ઉતરવહીમાં આપેલો હોવો જોઈએ. ઉતરવહીના જવાબ અને વાંધા ભિન્ન હોય તો વાંધો ધ્યાને નહીં લેવાય.
- વાંધા સાથે પુરાવા તરીકે સંદર્ભ કે દસ્તાવેજ જોડવો જરૂરી છે. સંદર્ભ વગરનો વાંધો ગણાશે નહીં.
- માત્ર AI, GPT જેવા સાધનોથી તૈયાર કરેલા અને આધારભૂત પુરાવા વિનાના વાંધાઓની વિચારણા થશે નહીં. ગણતરી આધારિત, ગાણિતક, આંકડાશાસ્ત્રીય કે તર્કશક્તિના પ્રશ્નોમાં ગણતરી, પદ્ધતિ કે તર્કનો આધાર આપવાનો રહેશે.
જિલ્લા શિક્ષણ અધિકારી ભરતીનાં પરીક્ષા આપનારા ઉમેદવારો આન્સર કી આયોગની વેબસાઈટ gpsc.gujarat.gov.in પરથી ડાઉનલોડ કરી શકે છે. જવાબો તપાસીને વાંધા હોય તો છેલ્લી તારીખ પહેલાં ઓનલાઈન રજૂ કરી દેવાના રહેશે.
